در بيان وقوعات اخيره

آلدى مولودك كتوردى دارينه++

حيرت الوبردى بتون جيراننه

كيم ابو طالب كوروب اولدى بكام++

كورمامش چون اوغلونه بكزر غلام

مادرى ايتدى اكا يابو الولد++

والدم آدينى قويدم بن اسد

سويلدى اولدمده نوزاد ولي++

بنده قويدم اوغلومك ادين علي

كلديلر هپ اقربا وآشنا++

قيلديلر تبريك نوزادى ادا

بيت ايچنده مقدمينى خير فال++

ايتديلر بو بحثه دائر قيل و قال

قيلمدى رغبت برين ثدياننه++

رد اولور دست ايله واران ياننه

ايلدى تشريف محمّد مصطفى++

الدى نوزاذى قوجاغه پر وفا

ديدى اكا مرحبا خير الولد++

مرحبا بن فاطمه بنت الأسد

مرحبا اى نور پاك نو ظهور++

مرحبا اى ساقىِ جام طهور

مرحبا اى سلسله ساز علا++

مرحبا اى پايه آراى ولا

كورمدى امثالنى چشم سلف++

بويله عالى منزلت خير الخلف

وضعنى ايتدى بووجه او زره عيان++

ذات پاك مصطفى معجز بيان

مادرى طفلك شكايت ايلدى++

كيمسه دن سود اممه ديكن سويلدى

ويردى اغزينه دوداغك مصطفى++

شوقله امدى دوداغك اولا

حاضرون بوحاله حيران قالديلر++

فلك فكرى بحر بهته صالديلر

ديدى پنچه زن اولور حيدر دراول++

بو تجليده بولنمز بشقه قول

مصطفى دن الدى حيدر نامنى++

هم دوداغك امدى بولدى كامنى

بيل كه بعثتدنده اون ييل اقدمى++

واقع اولمشدى علينك مقدمى

كسب قرب استر ايسن پيغمبره++

التجا ايت ازدل و جان حيدره

سلّموا صلّوا على خير البشر++

هم باسرار علي عالى گهر

بر عليل دردمندم ياعلي سندن مدد++

بر ذيل مستمندم ياعلي سندن مدد

بر طرفدن نفس كمراه بر طرفدن درد وغم++

رشته الامه بندم ياعلي سندن مدد

كچدى غفلتله زمانم المدم بر ذوق جام++

ظلم ايدوب كنديمه كندم ياعلي سندن مدد

اويله سر مست هوايم باكه يوق بندن خبر++

اويله پابند كمندم ياعلي سندن مدد

كرجه مجرمدر جلال اما نه غمدروار ايكن++

سن كبى شاهم افندم ياعلي سندن مدد

در بيان احوال و اوصاف جليله حضرت امام

كلبرو اى عاشق پرتاب دل++

درد ايله هر دم علو خيزاب دل

دكله بو منظومه سوزش نوا++

اوله سوداى سقيمه خوش دوا

كرچه بى پاياندر وصف ولي++

ميمنت افزاى اوصاف علي

انتساب عزميله اولدم خامه ران++

يوقسه حدممى ايده م عين بيان

استانك بلرم صح و مسا++

بر عليل در يوزه در دست كدا

ايده لم بحثمزى بويله كشاد++

لطف احمدله على يه استناد

والدينى ايتديلر عمرى تمام++

اون ياشنده قالمشيدى اول همام

اولدى محمى ء جناب مصطفى++

پرور شياب حرمدى مرتضى

هاشميدر ايكى باشدن اول نسيب++

اندن اول يوق ايدى بويله حسيب

ايليوب جلب توجهله رضا++

اولدى داماد رسول كبريا

محرم حجله كه ذات بتول++

سر و سره بولدى بويزدن وصول

كيم قرآن ايتدى قمر ايله اسد++

اولدى معناده اوچيده بر جسد

"جسمك جسمى" بيور مشدى رسول++

ايله عرفان ايله برمزه وصول

نخل گلزار تجليدن ظهور++

ايتدى ايكى غنجه صديرك نور

بو ايكى غنچه جهان آرا همين++

اولديلر دستار زيب مؤمنين

بو حديث ترجمه سى واضح جلي++

شهر علمم قاپوسى اولدى علي

كور نه ايمش پايه قدر إمام++

اكلا نولدى حكمت سر كلام

صلب پاكندن الى يوم القيام++

چون سيادت ايليه جكدر دوام

چوق احاديث شريفه سانحه++

حقلرنده هم دعا هم مادحه

وارد اولمش حيدره ايتمك نظر++

كيم عبادتدر ديو اشبو اثر

بن كيمه مولا ايسم همده علي++

اولدى مولاسى انك بو منجلى

كيم على يه حب ايدر باكه ايدر++

باكه محبت ايسه حقه كيدر

بغض ايدنلره بيور مشدر رسول++

لعنت ايله ياد اولنه اول فضول

وارد اولمش بر حديثنده دخى++

ايكى عالمده على باكه اخى

كيم علي يى فرق ايدر بندن همان++

نبي فرق ايتمش اولورلر بى گمان

نبي فرق ايدن ايدر اللّهى فرق++

امّته اولدى علي هم تاج فرق

مادحى بويله حبيب اللَّه اوله++

اويله ذاتك وصفنه كيم سوز بوله

كور علي در شاه مردان خدا++

كيم علي در رهبر راه هدى

كيم علي اولدى وليلر سرورى++

انقياى امّتك هم رهبرى

مرتضى اثرينه لازم اقتدا++

كعبه عرفانه اولدر رهنما

بولانق افكاره ايتمز التفات++

مستقيمانه كيدن بولور نجات

كيم كتاب وسنته سالك اولور++

التفات حضرته لايق اولور

صورت معقوله ده قيل اتباع++

ايله اوهام وخيالاته وداع

جمله مزدن راضى اولسون مرتضى++

او رضادن راضى احمد له خدا

سلّموا صلّوا على خير الأنام++

همده روح مرتضى يه بر دوام