مولود جناب عليّ

توحيد باري تعالى جلّ شأنه

وجودك اولمسه يا رب موجود++

وجوده كلمز ايدى بونجه مشهود

سنك وارليغنه اشيا مظاهر++

بواشيا وارليغني ايتدي ظاهر

كتوردك ادمى يوقدن وجوده++

سزاوار ايلدك رسم سجوده

بو صورتله ايدوب حقنده تكريم++

قلندى درس اسما صكره تعليم

ويروب هر فردينه بر قابليت++

كيمى نور مجسم كيمى ظلمت

دوشوردك فرقه يه بونجه عبادى++

ينه سن سك عمومك هپ مرادى

تجلى صورتيدر اختلافات++

كوريله كندى فعليله مجازات

ازلدن ايلمش سك بويله فرمان++

بونك غيري ظهوره وارمى امكان

يرادان كائناتي سنسك الحق++

كه ذاتكدر همان فعّال مطلق