مناجات بدركاه قاضي الحاجات

بر شبانكه كه ايروب لطف خداوند عليم++

اولدى بيدار او دم ناطقه طبع اليم

اولدي جسمم نه عجب طور تجلاى صفا++

باشلدي عرض مناجاته كوكل مثل كليم

ديدى اى خالق بيچون عظيم الشانم++

نه وجود ايله ايده م شانكه لايق تعظيم

ذره در ذاتكه نسبتله بتون عالملر++

داخلم بنده ولي ذره اولورمى تقسيم

بى وجودم اوقدر كنديمى كندم كوره مم++

ويره مز ظله وجود دركي قدر عقل سليم

وارلغم بللو ايدن معصيتمدر انجق++

كورينان جسم خجالتده همان بويله جسيم

كيمه بهتان ايده يم عالمه معصوم كلدم++

همده اولمش ايدم انواع نعمله تكريم

كچدى صافيت ايله وقت صباوت صكره++

ايتدي قانون طبيعت نيجه حسلر تفهيم

عقل وفكرم او قدر كوريه ايدى كلفتسز++

خير وشر صورتنه قابل نقل وترسيم

بنى برقوت محسوسه ايدردي اجبار++

بيله مزدم سببك فكر يده ايتسم تعميم

اختيارم قو مادي در بدر اولدم شويله++

كو نيكون زائل ايدى صفوت ايله حال قديم

متأذى ايدم اوّل رتبه انك مكرندن++

كوره مزدم ديه جك درديمى بر يار صميم

نه بيلور دم ديمه سه با كه اگر دوست سداد++

مگر اوّل ملعنتك نامي ايمش نفس لئيم

اويله اولدم كه انك تربيت مكرى ايله++

بكا حال اولمشيدى منكر اولان حال ذميم

جمله افعالمى آلقشلر ايدر كن حتى++

ضرر مدن قجنور اولدى او شيطان رجيم

مدد اى مغفرتى قهرينه غالب اللَّه++

جرمم اقرار ايده رك لطفكه اولدم تسليم

قطع اميد ايده مم مرحمتكدن حاشا++

ايلر ايمانمى ايات كريمه ك تحكيم

شرمله دفتر اعمالمه ايتدم اجمال++

جبقدي بر مرتبه يه فذلكه شوم و خبم

چكه مز ثقلت عصيانمى ميزان حساب++

ايتسه اجز اسنى بيك پارچه يه طرح وتقسيم

كچمكه يولمى ويرر بونجه ذنوبمله صراط ++

طوغريدره غريرلره بن ايسه معيوب وسقيم

سير ايدن امتعه معيصتم محشرده++

حيرتندن اونودر كندولرين اهل قويم

بن ته يوزله اوله يم راغب جنت زيرا++

اولدى ابرارى مكافاته محل دار نعيم

كورديكى انده بنى فرط غضبدن دوزخ++

ارتيرر شدتنى نفرت ايدر اهل جحيم

عجزيله در كهكه وضع جيين ايتدى جلال++

الأمان مرحمتي واسع اولان رب عليم

نورايله نار مياننده قالو رسمده نه غم++

سائل باب رضايم مدد اى رب رحيم

نعت شريف جناب نبوي

مرحبا اى نور تكوين سوايه ابتدا++

فيض حبك عالم امكانه ويردي انتها

مرحبا محبوب بى همتاى ذات كبريا++

سيد الكونين سردار گروه انبيا